Rückerstattungsrichtlinie
Retoure- & Rückerstattigsrichtlinie
Mir händ e 30-Täg-Rückgabegarantie. Das bedütet, du häsch 30 Täg Ziit nach dem du din Artikel übercho häsch, zum e Retoure aazmälde.
Damit en Artikel cha retourniert wärde, mues er im gliche Zuestand si, wie du en übercho häsch — unvobruucht oder untreit, mit alle Etikette und in de Originalverpackig. Du bruuchsch au de Chaufbeleg oder en Chaufnachwiis.
Wänn dini Retoure akzeptiert wird, schicked mir dir d Instruktione wie und wo ane du dis Paket muesch schicke.
Bitte beacht: Chunde trgäd d Chöschte für de Rückversand sälber, wänn sie d Meinig gänderet händ. Artikel, wo eifach so ohni Vorchendnis zruggschickt wärded, chönnd mir leider nöd aanäh.
Für Froge zu Retoure chasch üs jederzeit under info@elin-maeva.ch kontaktiere.
Schäde und Problem
Bitte überprüef dini Bschtellig grad, wänn sie aachunt, und kontaktiere üs sofort, wänn de Artikel:
-
Defekt isch
-
Beschädigt isch
-
Oder wänn du de falsch Artikel übercho häsch
Zum es Problem mälde, schick bitte en E-Mail an info@elin-maeva.ch com:
-
Dinere Bschtällnummer
-
Enere Beschriibig vom Problem
-
Klare Föteli vom Artikel, wo du übercho häsch (wänn s es Problem zeigt)
Sobald mir din Fall prüeft händ, lueged mir nach de beschte Lösig. Normalerwiis schicked mir zersch en choschtellose Ersatz, bevor mir e Retoure akzeptiered oder es Gäld zrugggänd.
Usnahme / Artikel wo me nöd cha zruggäh
Bestimmti Arte vo Artikel chamer nöd retourniere, wie zum Bispiil:
-
Verderblichi Ware (wie Ässe, Blueme oder Pflanze)
-
Personalisierte Produkt (wie Spezialasfärtigunge oder Gschänk mit Name)
-
Körperpflag-Artikel (wie Beauty- oder Hygiene-Produkt)
-
Gfohreguet oder brännbari Flüssigkeite/Gase
Mir akzeptiered au kei Retoure uf Sale-Artikel ou Guetschiine. Wänn du bi eme bstimmte Artikel unsicher bisch, mäld di eifach bi üs.
Umtusch
Leider chönnd mir kei direkte Umtusch aabiete. Aber du chasch dini Artikel innerhalb vo 30 Täg ganz normal retourniere eifach e neui Bschtellig ufgäh.
Verweigereti Aanahm / Nöd abgholti Paket
Wänn d Aanahm vomene Paket verweigeret wird ou wänn s nöd in de Frist uf de Post oder am Abholpunkt abgholt wird, gaht s automatisch an üs zrugg.
In däm Fall häsch du zwei Optione:
-
Neuversand: Mir chönnd dir d Bschtellig nomal zueschicke. Die neue Versandchöschte muesch dänn aber du übernäh.
-
Rückerstattig: Mir chönnd dir s Gäld zruggäh. Mir bhalte üs aber s Rächt vor, 50% vom Bschtellwert abzzieh, zum d Chöschte für de Rückversand, d Bearbeitig und de Admin-Ufwand z decke.
Rückerstattige
Mir gänd dir Bscheid, sobald mir dini Retoure übercho e prüeft händ, und säged dir, öb d Rückerstattig genehmigt worde isch.
Wänn alles guet isch, wird s Gäld automatisch innerhalb vo 10 Werktäg uf dini ursprüngli Zahligsart zruggbucht. Bitte dänk dra, dass d Bank oder de Kreditcharte-Aabieter e bitz extra Ziit cha bruuche zum das verarbeite.
Wänn meh als 15 Werktäg vergange sind sit mir d Rückerstattig beschtätigt händ, e du no kes Gäld gseh häsch, dänn mäld di bitte bi üs under info@elin-maeva.ch.